Ապրիլի 24-ին Կիեւի Ս. Աստվածածին եկեղեցում տրվեց պատարագ եւ կատարվեց հոգեհանգստի արարողություն Հայոց ցեղասպանության զոհերի հիշատակին, որին մասնակցեցին հայ համայնքի ներկայացուցիչներ, Կիեւ քաղաքի ղեկավարության, քաղաքական, հասարակական կազմակերպությունների, ԶԼՄ–ների, ազգային փոքրամասնությունների ներկայացուցիչներ, գիտության եւ մշակույթի գործիչներ եւ այլն: Միջոցառմանը ելույթ ունեցավ ՀՀ դեսպան Անդրանիկ Մանուկյանը, որը նշեց, որ այս օրերին ողջ հայ ժողովուրդը` Հայաստանում եւ սփյուռքում, կազմակերպում է տարաբնույթ ...

Ապրիլի 24-ին Լիտվայի Ցեղասպանության եւ դիմադրության կենտրոնում տեղի ունեցավ Հայոց ցեղասպանության 98-ամյակին նվիրված միջոցառում, որին ներկա էին Լիտվայի Սեյմասի պատգամավորներ, հասարակական գործիչներ, Լիտվայի ազգային փոքրամասնությունների ներկայացուցիչներ, ակադեմիական եւ լրագրողական շրջանակների, ինչպես նաեւ հայ համայնքի անդամներ:

Ապրիլի 24-ին Բելառուսի Հանրապետության հայ համայնքային կազմակերպությունները և ՀՀ դեսպանությունն անցկացրեցին Հայոց ցեղասպանության զոհերի հիշատակի օրվան նվիրված միջոցառում, որը տեղի ունեցավ Մինսկի Կենտրոնական զինվորական գերեզմանոցում տեղադրված խաչքարի մոտ:

Ապրիլի 22-24-ին Ղազախստանի բոլոր 14 հայկական համայնքներում անցկացվեցին 1915թ. Հայոց ցեղասպանության զոհերի հիշատակի օրվան նվիրված միջոցառումներ:

Ապրիլի 22-ին Հայոց ցեղասպանության 98–րդ տարելիցի կապակցությամբ Ուկրաինայում ՀՀ դեսպանության, Ուկրաինայի հայերի միության եւ Կիեւի հայ համայնքի նախաձեռնությամբ Ուկրաինայի Գիտությունների Ազգային Ակադեմիայի քաղաքագիտության եւ ազգագրական ինստիտուտում կայացավ կլոր սեղան` «1915 թ. հայերի ցեղասպանությունը. առանց մոռացության իրավունքի» խորագրով:

Մայիսի 16-ին Մինսկ քաղաքի “Կինոյի տանը” տեղի ունեցավ “Արարատից Սիոն” վավերագրական ֆիլմի ցուցադրումը, ինչպես նաև Բելառուսի հայ համայնքի ներկայացուցիչներին ՀՀ մշակույթի նախարարության և ՀՀ սփյուռքի նախարարության պարգևների հանձնման հանդիսավոր արարողությունը:

Ուզբեկիստանի Հայկական մշակութային կենտրոնի վարչությունը Հանրապետական միջազգային մշակութային կենտրոնի հետ միասին կազմակերպել են Տաշկենտ քաղաքի թիվ 21 «Մեհրիբոնլիք» մանկատանը բարեգործական ակցիա՝ հանպատրաստից սարքած համերգով, որում ելույթ են ունեցել «Ուրարտու» պարային անսամբլը եւ մանկատան սաները:

2011 թվականի դեկտեմբերի 21-ին Ուկրաինայի Ազգային Ակադեմիայի Ա.Յու.Կռիմսկու անվան Արեւելագիտության ինստիտուտում տեղի է ունեցել «Ուկրաինա եւ Արեւելք. Պատմամշակութային փոխգործողության ավանդությունները» խորագրով Միջազգային գիտական կոնֆերենցիան՝ նվիրված Յարոսլավ Դաշկեւիչի ծննդյան 85-ամյակին:

Հայ ժողովուրդը ստեղծարար է, նրա զավակների մատները՝ բանուկ և արարող, իսկ ձեռքերը վաղուց ի վեր ստացել են ոսկե ածականը և աշխարհին հայտնի են «Հայի ոսկե ձեռքեր» բնորոշմամբ: Դեկտեմբերի 19-ին Թբիլիսիի «Հայարտուն» մշակույթի կենտրոնի Գալուստ Գյուլբենկյան սրահումը Վրաստանի հայ կանանց «Շուշանիկ» միության նախաձեռնությամբ կազմակերպված «Հմուտ ձեռքեր» ցուցահանդեսը նվիրված էր հայ կնոջ նուրբ մատներով ստեղծված ձեռագործ աշխատանքին: Ցուցահանդեսին փառահեղորեն տեղ էին գրավել թբիլիսահայ ...

Դեկտեմբերի 17-ին վերստին մարդաշատ էր Թբիլիսիի «Հայարտուն» մշակույթի կենտրոնը: Այստեղ էին հավաքվել թբիլիսահայ համայնքի ներկայացուցիչները, մտավորականներ, հասարակական կազմակերպությունների և երիտասարդական միությունների անդամներ: Այստեղ էր գտնվում նաև Վրաստանում ՀՀ դեսպանի տիկին Արմինե Մանուկյանը: Մշակույթի Կենտրոնի Գալուստ Գյուլբենկյան սրահում կայացավ 19-րդ դարի մեծահարուստ և խոշոր նավթարդյունաբերող, իր ժողովրդի նվիրյալ և մեծ բարերար Ալեքսանդր Մանթաշևի ծննդյան 170-ամյակին նվիրված «Գործ՝ ողջ կյանքի» գրքույկի ...

Ուզբեկիստանի Հայկական ազգային մշակութային Կենտրոնը (ՈւՀԱՄԿ) դարձել է ազգային մշակույթի տոնի մասնակից: Այդ տոնն ամփոփում է տարվա ընթացքում անցկացվող «Ուզբեկիստանն իր ջերմությամբ է տաքացրել մեզ բոլորիս» փառատոնը: Ինչպես տեղեկացնում է Ռուսաստանի հայերի «Երկրամաս» թերթի Լրատվական Կենտրոնը՝ հղում կատարելով Ուզբեկիստանի հայերի «Դեպի ապագա» ամսագրին, փառատոնը տարվա ընթացքում անցկացվել է հանրապետական Ռուսական մշակույթի կենտրոնում (ՌՄԿ)՝ Ուզբեկիստանի Հանրապետության անկախության 20-ամյակին նվիրված տոնակատարությունների ...

“Վրաստանի Հայ Համայնք”-ը ողջունում է ձեզ` Վրաստանի եւ Հայաստանի նախագահներ պարոնայք Միխայիլ Սահակաշվիլիին եւ Սերժ Սարգսյանին:

Նոյեմբերի 19-20-ին Լվով քաղաքում կայանալու է «Ուկրաինայի հայ համայնքի մշակույթն ու արվեստը» խորագրով գիտա-գործնական կոնֆերենցիա՝ նվիրված հայտնի ուկրաինացի գիտնական Յարոսլավ Դաշկևիչի հիշատակին: Ինչպես տեղեկացնում է Ռուսաստնաի հայերի «Երկրամաս» թերթի Լրատվական Կենտրոնը՝ հղում կատարելով Ուկրաինայի հայերի միությանը, կոնֆերենցիան կնպաստի հայ ժողովրդի պատմամշակութային ժառանգության ուսումնասիրմանը և հայ-ուկրաինական ընկերական կապերի ամրացմանը:

Ադրբեջանական դիվանագետները հերթական անգամ հիստերիկա են սարքել՝ տեսնելով Ուկրաինայում հրատարակված «Հայկական խոհանոց» գիրքը: Ինչպես հաղորդում են ադրբեջանական լրատվամիջոցները, այդ խոհարարական բաղադրատոմսերի հավաքածուի մեջ «ադրբեջանական ավանդական խոհանոցի մի շարք կերակրատեսակներ ներկայացված են որպես հայկական»: Ուկրաինայում Ադրբեջանի դեսպանությունը վերուղարկել է Ուկրաինայի խոհարարական Կենտրոնին և գիրքը հրատարակած հրատարակչությանը Ադրբեջանի ազգային խոհարարական կենտրոնի ղեկավար Թաիր Ամիրասլանովի նամակը, ...