Ռուսաստանի հայերի միությունն անում է ամեն ինչ, որպեսզի Հայաստանի քաղաքացիները ստանան իրենց իրավունքը մուտք գործել ՌԴ տարածք ազատ վիզային ռեժիմի համաձայն ավելի քան 90 օր ժամկետով ու ծագած իրավական խնդիրների կարգավորման համար՝ կապված ՌԴ տարածքում միգրացիոն նոր օրենքների ընդունման հետ: Այդ մասին NEWS.am-ի թղթակցի հետ զրույցում հայտարարել է Ռուսաստանի հայերի միության նախագահ Արա Աբրահամյանը:
Նշենք, որ միգրացիոն նոր օրենքների համաձայն 2014թ.-ի սկզբից այն երկրների քաղաքացիները, ովքեր օգտվում են Ռուսաստանի հետ ազատ վիզային ռեժիմից, կարող են ՌԴ տարածքում գտնվել 90 օր ժամկետով յուրաքանչյուր 180 օրը մեկ: Վերջին ժամանակներում Հայաստանն ու Ռուսաստանը վերանայում են 2000թ.-ի համաձայնագիրը մուտքի վիզաների վերաբերյալ, մասնավորապես, ընդունվել է որոշում ուղղել համաձայնագրի 4-րդ հոդվածը, որը թույլ կտա Ռուսաստանի եւ Հայաստանի քաղաքացիներին գտնվել տվյալ երկրների տարածքում 150 օր 6 ամսվա ընթացքում(180 օր):
Ռուսաստանի Հայերի միության նախագահի խոսքով այժմ բանակցություններ են ընթանում Հայաստանի եւ Ռուսաստանի կառավարությունների միջեւ: «Սակայն ոչ ոքի հայտնի չէ, համաձայնություն ձեռք կբերվի, թե ոչ: Հնարավոր է, Ռուսաստանը Հայաստանի հետ ստորագրի առանձին միջպետական համաձայնագիր, որով կլուծվի հարցը»,- նշել է Արա Աբրահամյանը: Նա նաեւ հավելել է, որ գոյություն ունի միջպետական հանձնաժողով, աշխատում են մասնագետներ, պետք է սպասել բանակցությունների ավարտին:
«Կարող եմ ասել, որ երկու կողմն էլ հասկանում է շարքային քաղաքացիների համար ստեղծված իրավիճակի բարդությունը: Մեզ դիմում են բազմաթիվ անձինք տարբեր խնդիրներով, երբ ընտանիքի անդամների մի մասը Հայաստանում են, մյուսը՝ Ռուսաստանում: Պատճառն այն է, որ դրանք ժամանակին չեն լուծվել»,- նշել է Արա Աբրահամյանը: Նա նաեւ հավելել է, որ «Հայաստանի քաղաքացիները պետք է դիմեն միայն համապատասխան պետական մարմիններին»:
«Ռուսաստանի հայերի միությունը ոչ է անում հայրենակիցներին, Հայաստանի քաղաքացիների իրավիճակը չհասցնել ծայրահեղ վիճակի: Ռուսաստանի տարբեր քաղաքներում գործում են Միության մասնաճյուղեր: Ցավոք, մեր հայրենակիցներին բնորոշ է ամեն ինչ թողնել վերջին պահի համար, սակայն մյուս կողմից պարզապես չեն հասցնում ժամանակին ձեւակերպել անհրաժեշտ փաստաթղթերը երեք ամսվա ընթացքում, քանի դեռ չեն հասցնում տեղավորվել, աշխատանք ու բնակության վայր գտնել, իսկ 91-րդ օրից սկսած համարվում են օրինախախտ»,- նշել է Արա Աբրահամյանը:
Իհարկե, Ռուսաստանում հասկանում են, որ Հայաստանից ժամանում են աշխատելու համար, եւ հայ աշխատանքայի միգրանտների 99 տոկոսն աշխատում է չխախտել ՌԴ օրենքները, սակայն մեծամասնությունը տեղյակ չէ, որ սկսել են գործել միգրացիոն նոր կանոններ: ՌՀՄ նախագահի տեսակետի համաձայն՝ մարդիկ սկսել են ժամանակին լուծել խնդիրները, դիմում են Ռուսաստանի Դաշնային միգրացիոն ծառայություն, ստանում են աշխատանքի սահմանված թույլտվություն եւ այլն:
«Կարծում եմ, որ անհրաժեշտ է ՌՀՄ տարբեր կառույցների ղեկավարներին հրավիրել Հայաստանի դեսպանատուն ու միջոցառում անցկացնել, որի ընթացքում իրավաբաններն ու մասնագետները կպարզաբանեին ՌԴ ընդունած նոր օրենքները, դրանց նրբությունները, Հայաստանի քաղաքացիների խնդիրների լուծման օրինական եղանակները»,- իր մտադրությունների մասին պատմել է Արա Աբրահամյանը: