ԵՄ կենտրոնում նոյեմբերի 26-28-ին, առաջին անգամ կլինի Հայաստանում Զարգացման եվրոպական օրեր – 2013-ի ուղիղ ցուցադրությունը:

Ֆրանսիայում կայացած ֆոնետոնի ընթացքում հավաքվել է 1,460 մլն եվրո՝ Հայաստանի ու Լեռնային Ղարաբաղի, ու սիրիահայ համայնքի կարիքների համար: Այս մասին NEWS.am-ի թղթակցին է հաղորդել փարիզցի լրագրող Ժան Էկիյանը:

Թուրքերը շարունակում են պղծել քրիստոնեական եկեղեցիները:

Նոյեմբերի 21-ին Հ.Մ. «Արարատ» կազմակերպութեան «Կոմիտաս» սրահը առլեցուն էր հարիւրաւոր հանդիսականներով, որոնք չնայած յորդառատ անձրեւին` ի մի էին եկել` նշելու հայ ժողովրդի ազգային ազատագրական պայքարի ռահվիրայի տօնը:

Ֆրանսիական Վերին Ալպեր դեպարտամենտում Բրիանսոնի կոնսերվատորիան ձգտում է կյանքի կոչել հետաքրքիր նախագիծ՝ հաջորդ տարի մարտ-ապրիլ ամիսներին երեխաների համար օպերա ձայնագրել: Ինչպես գրում է «Alpes 1» ռադիոկայանի կայքը, երկկողմանի ձայնասկավառակը կկոչվի «Մեղրից ծառը Հայաստանի հողում»: Բրիանսոնի կոնսերվատորիայի տնօրեն Ժան-Ժակ Ֆլամանն արդեն երեք տարի պատրաստում է այս օպերան՝ համագործակցելով թատերական արվեստի ու պատմության դասավանդողների հետ:

Տրապիզոնի Չամոբա գյուղի պատմական Պոլիտա քրիստոնեական եկեղեցում գանձ որոնելու նպատակով երկու թուրք ընկերներ 50 մ երկարությամբ եւ 2 մ տրամագծով թունել են փորել` խարխլելով եկեղեցու հիմքերը: Ինչպես հաղորդում է «Արմենպրես»-ը, թուրքական «Միլիեթ» թերթը գրում է, որ թունելից դուրս գալու պահին` տեսնելով այնտեղ իրենց սպասող ժանդարմներին, նրանցից մեկը սրտի կաթված է ստացել եւ տեղափոխվել հիվանդանոց: Մյուսը ձերբակալվել է եւ հարցաքննությունից հետո ստորագրությամբ ազատ է արձակվել:

Ստամբուլի Բաքըրքյոյ շրջանի թաղապետի թեկնածու Օղուլ Աքթունան այցելել է Պոլսո հայոց պատրիարքարան եւ հանդիպել պատրիարքական ընդհանուր փոխանորդ արքեպիսկոպոս Արամ Աթեշյանի հետ:

Քալիֆորնիական Գլենդել քաղաքի ոստիկանության նախկին պետ Ռենդի Ադամսը  ԱՄՆ-ի շրջանային դատարանում ազգությամբ հայ ոստիկանների հանդեպ խտրականության հայցով դատական գործընթացի ժամանակ ցուցմունք է տվել: Այդ մասին գրում է «Glendale News-Press»-ը: Ոստիկանության նախկին ղեկավարը նշել է, որ ինքը պատասխանատու է Ոստիկանության դեպարտամենտում խտրականության համար ու ստիպված է եղել կարգապահական միջոցներ ձեռնարկել երկու ոստիկանի նկատամամբ՝ ամերիկահայերի հանդեպ ստորացուցիչ վերաբերմունքի համար:

Ֆրանսիայում ծնված ու ծովափնյա Ալպերի դեպարտամենտում գտնվող  Գրասսայի մոտ բնակվող 34-ամյա ճանապարհորդ Սարգիս Աբաժյանին ճանապարհը բերել է Հայաստան: Տեսնելով որոշ շրջաններում, մանկատներում ու Երեւանում երիտասարդ հաշմանդամների կենտրոններում տիրող չքավորությունը՝ նա չի կարողացել անտարբեր մնալ:

Նոյեմբերի 23-ին, ձեռամբ Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանի, օծվեց Ալաթուման գյուղի Սուրբ Երրորդություն անունը կրող եկեղեցին և եկեղեցու բակում կանգնեցված խաչքարը: Եկեղեցու օծմանը մասնակցեցին նաև Ջավախքի ընդհանուր առաջնորդական փոխանորդ Տ. Բաբգէն վրդ. Սալբիյանի, Արագովայի և հարակից գյուղերի հոգևոր հովիվ Տեր Թադեոս քահանա Տեր-Մկրտչյանի, Տեր Տաթև քահանա Մարուքյանի և Տեր Տիգրան քահանա Մխիթարյանի: Եկեղեցու վերաօծման կարգից անմիջապես հետո մատուցվեց սուրբ և անմահ Պատարագ: ...

Հայաստանի և Ադրբեջանի նախագահների հանդիպումից հետո Անկարան Հայաստան-Թուրքիա սահմանի բացմանն է պատրաստվում:

Մոնիկա Ավանեսյանը, ով «Շոկո ֆաբրիկա» երգով կներկայացնի Հայաստանը «Մանկական Եվրատեսիլ 2013»–ին, մտադիր է շատ լավ ներկայանալ և զբաղեցնել բարձր տեղ։

Հայտնի հայ երաժիշտները՝ Արտո Թունջբոյաջյանը, Հասմիկ Պապյանը, Դավիթ Ամալյանը, Գեղամ Գրիգորյանը, Վահագն Հայրապետյանը, Արմեն Հյուսնունցը, Գոռ Սուջյանը եւ այլոք, նոյեմբերի 25-ին, ելույթ կունենան Արցախի հերոս Մոնթե Մելքոնյանի 56-ամյակին նվիրված «Ես կվերադառնամ» խորագրով գալա համերգին:

Հայաստանի պետական ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանն արժանացել է«Աշխատանքային վաստակի»համար շքանշանին (Order of Merit for Labour / Орден «За заслуги в труде»)` Իտալիայի հանրապետության նախագահ Ջորջո Նապոլիտանոյի ստորագրությամբ:

Թուրքական tursu.tv հեռուստաալիքը Սայաթ-Նովայի ծննդյան 300-ամյակին նվիրված նախագիծ է սկսել: Հեռուստաալիքը ծրագրել ' վավերագրական ֆիլմ նկարահանել տարածաշրջանում հայկական քյամանչա երաժշտական գործիքը տարածած հայ բանաստեղծ, երաժիշտ, բանահավաք, երգահան եւ աշուղ Սայաթ-Նովայի մասին: Այս մասին, ինչպես հաղորդում է «Արմենպրես»-ը, հայտնում է թուրքական demikrathaber.net լրատվական կայքը:

Լատվիայի մայրաքաղաք Ռիգայում առեւտրի կենտրոնում տեղի ունեցած փլուզման արդյունքում մահացել է Հայաստանի քաղաքացի Նաիրա Գրիգորյանը: Այդ մասին հայտնել է Հայաստանի ԱԳՆ մամուլի ծառայությունը:

Կ.Պոլսի ամեակարևոր պատմական արժեքներից մեկը համարվող Սբ. Սոֆիան` Հունաստանի և Թուրքիայի միջև բանավեճի պատճառ դարձավ:

Ծառայության մեջ առաջ ընթանալու հնարավորության ենթադրյալ բացակայությունը քալիֆորնիական Գլենդել քաղաքի ոստիկանության դեպարտամենտում խոսում է այն մասին, որ Գլենդելում «հին ու բարի տղաները» դեռ ողջ ու առողջ են: Այդ մասին հայտարարել է լեյտենանտ Տիգրան Թոփաջիկյանի փաստաբանը խտրականության վերաբերյալ դաշնային հայցի հիման վրա դատական նիստի ժամանակ, գրում է «Glendale News-Press»-ը:

Ընդդիմության գրոհայինների կողմից  սիրիական բանակի ռազմա-տրանսպորտային վարչության երկու շենքերի պայթյունի հետեւանքով Դամասկոսի Հարասթում նոյեմբերի 17-ին զոհվել էին մի քանի տասնյակ զինծառայողներ, որոնց թվում է ազգությամբ հայ զինծառայող Հակոբ Տեր- Ղազարյանը: Այդ մասին հաղորդում է Հալեպում Հայ Առաքելական եկեղեցու Բերիո թեմի մամուլի ծառայությունը:

Ռուսական արվեստի երեւանյան թանգարանում, «Մկրտության սրբապատկեր» տեղեկատվական-լուսավորչական ծրագրի շրջանակներում, օրերս տեղի կունենա «Մկրտության սրբապատկեր՝ պատմության մեջ եւ մեր օրերում» շարժական ցուցահանդեսը։