Հնդկական Կալկաթա քաղաքում 103-ամյա անվանի Զբոսայգու շինությունը Պարկ-սթրիթում ստացել է ժառանգության առաջին մրցանակ, որը սահմանվել է Կալկաթայի մունիցիպալ կորպորացիայի ու Արվեստների եւ մշակութային ժառանգության հնդկական ազգային հիմնադրամի կողմից: Այդ մասին գրում է հնդկական «NDTV» հեռուստաընկերության կայքը:

Ավստրիայի հանրային ռադիոյի հանդիսությունների սրահում տեղի ունեցավ Ֆրանց Վերֆելի «Մուսա լեռան 40 օրը» վեպի լույսընծայման 80-ամյակին նվիրված տոնական միջոցառում: Կազմակերպիչներն էին՝ Ավստրիայում Հայաստանի Հանրապետության դեսպանությունը, Ավստրիայի Հայ Առաքելական եկեղեցական վարչությունը և Հայոց Ցեղասպանության թանգարան-ինստիտուտը: «40 օր-100 տարի. Ֆրանց Վերֆել-Գրականությունը որպես պատմության հայելի» խորագրով միջոցառման կազմակերպմանը իրենց օժանդակությունը բերեցին Ավստրիայի հանրային ռադիոյի կազմում գործող ...

Նոյեմբերի 25-ին Վիլնյուսում մեկնարկեց Հայկական կինոյի շաբաթը, որը կազմակերպվել է Լիտվայում ՀՀ դեսպանության եւ Լիտվայի կինոմատոգրաֆիստների միության կողմից`  ՀՀ մշակույթի նախարարության աջակցությամբ:

Մոսկվայում Երեւանի օրերի միջոցառումների շրջանակում ՀՀ էկոնոմիկայի նախարարությունը, Մոսկվայի կառավարության հետ համատեղ, առաջին անգամ  կազմակերպել է հայկական գինիների ցուցահանդես-համտես:

Ռուսաստանի ժողովրդական արտիստ, հայտնի գրականագետ, երաժշտագետ և հեռուստահաղորդավար Սվյատոսլավ Բելզան համերգ կանցկացնի Երևանում`անվանի հայ և ռուս երգիչների մասնակցությամբ, որը տեղի կունենա դեկտեմբերի 1–ին, «Նովոստի–Արմենիա» գործակալությանը տեղեկացրեց Ա. Սպենդիարյանի անվան օպերայի և բալետի ազգային ակադեմիական թատրոնի հասարակայնության հետ կապերի համակարգող Թերեզա Բարսեղյանը։

Մեկ ամսում 14 սիրված մուտլֆիլմ նոր որակով հասանելի կլինի համացանցում: Նախագիծն իրականացվում է անիմացիոն ֆիլմերի հանրահայտ ռեժիսոր, մուլտիպլիկատոր Ռոբերտ Սահակյանցին նվիրված մեկամսյակի շրջանակում: Հանրության ուշադրությանը կներկայացվեն մուլտիպլիկատորի գործերը նոր` HD ձևաչափով: «Արմենպրես»-ի թղթակցի հետ զրույցում Ռոբերտ Սահակյանցի որդին` Դավիթ Սահակյանցը նշեց, որ մեկամսյակի շրջանակում ցուցադրվող ֆիլմերի շարքում կլինի նաև երկու ֆիլմ` «Տապանը» և «Վիկտորիան», որոնք նախկինում երբևէ չեն ցուցադրվել:

Ավստրալիայի և Նոր Զելանդիայի հայոց թեմի բարեխնամ առաջնորդ Գերաշնորհ Տեր Հայկազուն Սրբազան եպիսկոպոս Նաջարյանն ընդունեց ՀՀ սփյուռքի նախարարության Ավստրալիայի հայ համայնքների կրթամշակութային հիմնախնդիրների լուծմանն աջակցության ծրագրի շրջանակներում Սիդնեյում գտնվող պատվիրակությանը:

Ռուսաստանի մայրաքաղաքի Միությունների տան սյունազարդ դահլիճում կայացել է Մոսկվայում Երեւանի օրերի  գալա-համերգը: Երեւանի քաղաքապետ Տարոն Մարգարյանը Մոսկվայի կառավարության պաշտոնատար անձանց եւ Երեւանի քաղաքապետարանի պաշտոնական պատվիրակության անդամների հետ ներկա է գտնվել համերգին:

Լոս-Անջելեսի շրջանում Ստեֆանիի գեղարվեստական պատկերասրահում բարեգործական ցուցահանդեսում կցուցադրեն հայ նկարիչ Աշոտ Հարությունյանի աշխատանքները: Այդ մասին հաղորդում է Ստեֆանիի պատկերասրահի կայքը: Աշոտի յուղաներկով նկարները «Արենի» անվամբ առաջին անգամ են ցուցադրվելու ԱՄՆ-ում 2013թ դեկտեմեբրի 12-14-ը: Բացման հանդիսավոր արարողությունը տեղի կունենա Լա-Կանյադում Ստեֆանիի գեղարվեստական պատկերասրահում:

Ամերիկյան «The Huffington Post» ինտերնետ-պարբերականը հայկական Վարդավառը ներառել է աշխարհի ամենաանհավանական ութ ջրային տոների ցուցակում: Ինչպես գրում է «The Huffington Post»-ը, այդ ցուցակում այնպիսի տոներ են, որոնք նշում են Թաիլանդում, Սիեթլում, Մյանմայում, Չինաստանում, Իսպանիայում, Կամբոջայում, Նյու Յորքում:

Օբամայի՝ քալիֆորնիական Գլենդել այցելության կապակցությամբ, որտեղ բնակվում է մոտ 90 հազար ամերիկահայ, կրոնական ու համայնքային առաջնորդները մամուլի ասուլիս են անցկացրել, որի նպատակն է կոչ անել նախագահին դադարել արգելափակել Հայոց ցեղասպանության ժամանակների որբերի կողմից պատրաստված գորգի ցուցադրությունը: Այս մասին NEWS.am-ին հաղորդել են Ամերիկայի Հայկական ազգային կոմիտեում:

Հյուսիս-հարավ մայրուղու երկայնքով՝ Կաքավաձորում, Ներքին Բազմաբերդում, Ներքին Սասնաշենում և Վերին Սասնաշենում, 2013թ. իրականացված պեղումների արդյունքում հայտնաբերվել են նեոլիթյան ժամանակաշրջանի արժեքավոր գտածոներ։ Այս մասին NEWS.am-ին ասաց «Պատմամշակութային ժառանգություն» գիտահետազոտական կենտրոնի տնօրեն Հակոբ Սիմոնյանը։

Հայաստանի Հանրապետության Արտաքին գործերի նախարարությունում, նոյեմբերի 25-ին մարվել եւ շրջանառության մեջ է մտել նոր նամականիշ: Թողարկումը նվիրված է Եվրոպայի Խորհրդի նախարարների կոմիտեում Հայաստանի նախագահությանը:

Նոյեմբերի 28-ին «Երեւանյան հեռանկարներ» 14-րդ միջազգային երաժշտական փառատոնի շրջանակում Արամ Խաչատրյանի անվան համերգասրահում մենահամերգով հանդես կգա լեգենդար ջութակահար եւ դիրիժոր Մաքսիմ Վենգերովը: Համերգին կմասնակցի նաեւ աշխարհահռչակ դաշնակահար եւ դիրիժոր Վահագն Պապյանը:

«Կին» հոբելյանական միջազգային տասներորդ կինոփառատոնը կանցկացվի դեկտեմբերի 14–18–ը Երևանում, «Նովոստի–Արմենիա» գործակալությանը տեղեկացրեց փառատոնի տնօրեն Մարիամ Օհանյանը։