Ավստրալիայում բրիտանացի ներգաղթյալների հոսք նկատվել էր 70-ական թվականներից հետո: Այդ մասին գրում է ավստրալիական «The Herald Sun»-ը: Ներգաղթի ու սահմանահին պաշտպանության դեպարտամենտի տվյալների բացառիկ վերլուծությունը պարզել է, որ Ավստրալիան այս տասնամյակում 290 հազար ներգաղթյալ կընդունի Մեծ Բրիտանիայից՝ երկու անգամ ավել, քան 90-աкաններին:
Տվյալները ցույց են տալիս նաեւ ներգաղթյալների տարբեր ալիքներ. 50-ական թվականներին Ավստրալիա էին գալիս իտալացիները, 80-ականներին՝ վիետնամցիները, իսկ այս դարի սկզբից հնդիկ ու չինացի ներգաղթյալներ:Մոնաշի համալսարանում միջազգային հետազոտությունների պրոֆեսոր Ալիսթեր Թոմսոնի խոսքով՝ բրիտանացիներին հաճախ գրավում են Ավստրալիայի իդեալական որակները: «Երբ տնտեսական դրությունը սրվում է, նրանց թիվն աճում է»,- ասել է նա:Այսօր Չինաստանը, Հնդկաստանը, Ֆիլիպինները, Շրի-Լանկան, Մալազիան, Վիետնամը եւ Կորեան այն երկրների տասնյակում են, որտեղից ներգաղթում են Ավստրալիա:
Անցյալ տարի Ավստրալիա ներգաղթած 190 հազար միգրանտների կարելի է հանդիպել երկրի տարբեր նահանգներում: Ռաջ Կհանան Ավստրալիա է ներգաղթել Հնդկաստանից յոթ տարի առաջ: Նա Սիդնեյում հիմնել է էքսպատ-ակումբ՝ օգնելով ներգաղթյալներին Սիդնեյում իրենց զգալ ինչպես հարազատ տանը: «Վերջերս մեզ են միացել մարդիկ Հայաստանից, Կոլումբիայից ու ԱՄՆ-ից»,- ասել է նա: Ավստրալիա գալու նրանց պատճառները տարբեր են՝ ցավոտ բաժանումից մինչեւ աշխատանքի որոնումներ կամ ընտանիքով տեղափոխում:Ինչ վերաբերում է հայկական ներգաղթին, ապա համաձայն Ավստրալիայի հայ դատի գրասենյակի կայքի Ավստրալիայի հայ համայնքի մեջ մտնում է 50 հազար մարդ, ովքեր հիմնականում ապրում է Սիդնեյում եւ Մելբուրնում:
Երկու քաղաքներում համայնքները ստեղծել են մի շարք կազմակերպություններ, որոնք բավարարում են համայնքի կրթական, մշակութային, սպորտային ու բարեգործական պահանջները: Առաջին հայերը Ավստրալիայում հաստատվել են 1850-ական թվականներին Ասիայից՝ ոսկե տենդի տարիներին, իսկ ավելի ուշ իրենց հայրենիքից՝ քաղաքական ցնցումների եւ այլ ողբերգական իրադարձությունների պատճառով, ինչպես օրինակ 1896թ.-ի ջարդերը, 1915թ.-ին Հայոց ցեղասպանությունը եւ Երկրորդ համաշխարհային պատերազմը:Այնուամենայնիվ, հայերը մեծամասամբ Ավստրալիա եկել են 1960 եւ 1970-ական թվականներին Մերձավոր Արեւելքից՝ սկսած Եգպիտոսում Նասերի իշխանության գալուց հետո: Այնուհետեւ հաջորդեց հոսքը Կիպրոսից, Լիբանանից ու Սիրիայից եւ Իրանից: 1990-ականների սկզբից ոչ մեծ թվով հայեր Ավստրալիա ներգաղթեցին Հայաստանից՝ կապված Խորհրդային միության փլուզումից, 1988թ.-ի երկրաշարժից ու Լեռնային Ղարաբաղում ադրբեջանական ագրեսիայից հետո երկրում ծագած դժվարությունների հետ: