Վերջին 15-20 տարիներին նկարիչների միությունը անկում է ապրել, կորցրել է իր հեղինակությունը եւ ունեցվածքը: Նման բովանդակությամբ հայտարարությամբ է հանդես եկել ՀՀ վաստակավոր նկարիչ Հաղթանակ Շահումյանը (ՀԱՂԹՈ):
Հայտարարությունում նաեւ ասվում է.
«Կանոնադրական կոպիտ խախտումներով, երեք տարի ուշացումով սույն թվի դեկտեմբերի -16-ին հայտարարված է նկարիչների միության (նկարիչների միավորման) հերթական համագումարը: Միության ներկայիս ղեկավարները համագումարը անցկացնելու համար ընտրել է մի ժամանակահատված, որը խոչնդոտելու է հեռավոր մարզերում եւ շրջաններում ապրող, Երեւանի ծայրամասերում բնակվող, նաեւ հասակ առած միության անդամների մասնակցությունը համագումարին (նախատոնական հոգսեր, անանցանելի Ճանապարհներ):
Վերջին 15-20 տարիներին նկարիչների միությունը անկում է ապրել, կորցրել է իր հեղինակությունը եւ ունեցվածքը: Այս տարիների ընթացքում նկարիչները օտարվել են միության առօրյայից , դարձել անտարբեր միության Ճակատագրի նկատմամբ: Նկարիչների միության յուրաքանչյուր անդամ իր պասիվությամբ ու անտարբերությամբ, յուրովի մասնակից է դառնում միության անկման գործընթացին նպաստում այդ գործընթացը վարողներին: Այս անկման տարիներին միությունը հիմնականում ղեկավարվել է միանձնյա, կանոնադրական կարգն ու կառուցվածքը առհամարհելով, եւ անտեսելով նկարչին ստեղծագործական խնդիրներն ու միության պարտավորությունները նկարչի հանդեպ: 15 Տարիների շարունակական անկումը բավարար է որպեսզի մենք հասկանանք, որ կառավարման այս սկզբունքներն ու անձինք ի վիՃակի չեն եւ միությունը տանում են դեպի ոչնչացում:
Անհրաժեշտ բարեփոխումների շնորհիվ միությունը կարՃ ժամանակահատվածում կարող է ոտքի կանգնել, օգտակար դառնալ նկարչին, մեր կերպարվեստին ու երկրին: Ուստի, կոչ եմ անում նկարիչների միության բոլոր անդամներին ակտիվ մասնակցություն ունենալ դեկտեմբերի 16-ի համագումարին: Հակառակ դեպքում, գրավոր արտահայտել իրենց կարծիքը կամ պահանջել համագումարը տեղափոխել մոտակա նպաստավոր ժամանակահատված:
Կոչ եմ անում նաեւ լրատվամիջոցներին եւ պատկան մարմիններին սրտացավ եւ օբյեկտիվ մասնակցություն ունենալ այս համագումարին, քանզի արվեստի հուզող խնդիրները ոչ միայն նկարիչներինն է, այլեւ մեր ժողովրդինն է, երկրինն է:
P.S. Համագումարի անցկացման մասին միության անդամները (ոչ բոլորը) տեղեկացվել են մի քանի օր առաջ հեռախոսազանգով , այնինչ միության անդամների լիարժեք եւ օգտակար մասնակցությունը համագումարին պահանջում է (դա նաեւ օրենքով է նախատեսված), որ միության յուրաքանչյուր անդամ, նախապես համագումարից 25-ից 30- օր առաջ գրավոր տեղեկացված լինի համագումարի օրակարգին, միության առաջնահերթ խնդիրներին, նյութական եւ իրավական փաստաթղթերին: Այս ամենը հնարավորություն կտար համագումարի մասնակիցներին պատշաճ պատրաստվածությամբ ու առաջարկներով ներկայանալ համագումարին»: