Ֆրանսիայի նախագահ Ֆրանսուա Օլանդի Թուրքիա կատարելիք այցի նախօրեին՝ հունվարի 25-ին եւ 26-ին, Ֆրանսիայի տարբեր քաղաքներում բողոքի ցույցեր են անցկացվել ընդդեմ Թուրքիայի՝ ԵՄ անդամակցության, որոնք կազմակերպել է Ֆրանսիայի հայկական կազմակերպությունների համակարգող խորհուրդը: Ցույցեր տեղի են ունեցել Փարիզում, Մարսելում, Լիոնում ու Մոնպելյեում:

Ֆրանսիայի նախագահ Ֆրանսուա Օլանդի օդանավը հունվարի 27-ին, ժամը 15։00-ին վայրէջք է կատարել Անկարայի Էսենբողայի օդանավայկայանում։

Ֆրանսահայ ռեժիսոր Ռոբեր Գետիկյանը (Robert Guediguian) իր նոր կինոաշխատանքում կանդրադառնա 1915 թվականի Հայոց ցեղասպանության հետևանքներին: Ֆիլմում ներգրավված են ֆրանսահայ դերասաններ Սերժ Ավետիքյանը, Սիմոն Աբգարյանը, այլք: Փարիզից «Արմենպրես»-ի թղթակցի հետ զրույցում մեկ այլ ֆրանսահայ ռեժիսոր, սցենարիստ և դերասան Սերժ Ավետիքյանը պատմեց, որ այժմ ընթանում են ֆիլմի նախապատրաստական աշխատանքները:

Հայ փաստաբանների ու իրավաբանների ու «Հիշողություն 2000» ասոցիացիայի պատվիրակությունը հանդիպել է Փարիզում Շվեյցարիայի դեսպանատան առաջին խորհրդական Ալեն Հաշենի ու դեսպանատան քաղաքական բաժնի ղեկավար Սելին Սկուարատիի հետ, փոխանցում է «Nouvelles d'Arménie»-ն:

«Արեւիկ» հայկական մշակութային ասոցացիան Պուշկինյան սալոնի հետ համատեղ հունվարի 23-ին ֆրանսիական Էրուվիլ-Սեն-Կլեր քաղաքում խորհրդաժողով է անցկացնելու «Հայկական գորգերի գաղտնիքները. Կոդավորված նկարներ» թեմայով։ Խորհրդաժողովը վարելու է սցենարիստ եւ ռեժիսոր Դիանա Մկրտչյանը:

Ֆրանսիայում հայկական կազմակերպությունների համակարգող խուրհրդի եւ Հայկական հարցի ֆրանսիական բյուրոյի համատեղ պատվիրակությունը Շվեյցարիայի դեսպանատանը հանդիպել է դեսպանի առաջին խոհրդականի եւ դեսպանության քաղաքական բաժնի ղեկավարի հետ: Այդ մասին գրում է «Nouvelles d'Arménie»-ն:

Ֆրանսիայում գործող «Sources d’Arménie» կազմակերպությունը հունվարի 25-ին Լիոնում Համահայկական բարեգործական միության շենքում կանցկացնի հայկական քաղաքակրթության մասին ֆրանսերենով նոր ինտերակտիվ կայքի՝ «Հայկական թվային կամպուսի» թողարկման հանդիսավոր արարողությունը: Այդ մասին գրում է «Nouvelles d`Arménie» ամսագիրը:

Ֆրանսիական Ռուան քաղաքում հունվարի 28-ին «Հայացք աշխարհի ֆիլմերին» փառատոնի ընթացքում տեղի կունենա 2011թ.-ին ստեղծված «Ձիթապտուղ վաճառողի որդին» ֆիմլի ցուցադրությունը, որից հետո նախատեսված է հանդիպում-երկխոսություն ֆիլմի ստեղծագործական խմբի հետ միասին:

Փարիզի հինգերորդ շրջանի քաղաքապետարանի շենքում տեղի է ունենում «Արեւելքի քրիստոնյաները» ցուցահանդեսը: Ներկայացված են 60 լուսանկարներ, որոնք ցույց են տալիս 19-րդ եւ 20-րդ դարում Արեւելքի քրիստոնյաների ամենօրյա կյանքը: Այդ մասին գրում է ֆրանսիական «Le Figaro» թերթը՝ հավելելով, որ ցուցահանդեսը կշարունակվի մինչեւ փետրվարի 2-ը:

Ֆրանսիայի նախագահ Ֆրանսուա Օլանդի Թուրքիա կատարած պաշտոնական այցի եւ այդ երկրի ԵՄ անդամակցության բանակցությունները վերսկսելու հետ կապված ֆրանսահայերը հունվարի 25-ին եւ 26-ին Ֆրանսիայի տարբեր քաղաքներում բողոքի ցույցեր կկազմակերպեն: Այս մասին գրում է «Nouvelles d'Arménie»-ն՝ վկայակոչելով Ֆրանսիայի հայկական կազմակերպությունների համակարգող խորհրդին:

Մարսելահայերը հունվարի 25-ին բողոքի ցույց կանցկացնեն՝ հունվարի 27-28-ին Ֆրանսիայի նախագահ Ֆրանսուա Օլանդի Թուրքիա կայանալիք այցի կապակցությամբ: Այս մասին գրում է «Nouvelles d'Arménie» ամսագիրը:

Ֆրանսիայի հայկական կազմակերպությունների համակարգող խորհուրդը հունվարի 29-ին Փարիզում կանցկացնի իր ամենամյա ընթրիքը՝ Ֆրանսիայի կառավարության ներկայացուցչի, հանրապետության ընտրված պաշտոնյաների եւ այլ բարձրաստիճան անձանց ներկայությամբ: Այդ մասին գրում է ֆրանս-հայկական «Nouvelles d'Arménie» ամսագիրը:

Ջազ-դաշնակահարուհի Մաշա Ղարիբյանը մտադիր է նվաճել Փարիզը: Թողարկելով Mars անվանումով իր առաջին ալբոմը՝ դաշնակահարուհին դարձել է ֆրանսիական ջազային բեմի 2013 թվականի հայտնությունը: Հայտնի Bratsch խմբի հիմնադիրներից Դան Ղարիբյանի դուստր Մաշան կատարում է երաժշտություն, որը միավորում է հայկական եւ ամերիկյան երաժշտությունը՝ made in Brooklyn, ֆոլկ, Ուիլյամ Բլեյք եւ Կոմիտաս:

Մարդու իրավունքների եվրոպական դատարանի որոշումը Դողու Փերինչեքի գործով կարող է միայն խթանել Հայոց ցեղասպանության ժխտման գործընթացիը: Նման բովանդակությամբ հայտարարություն է տարածել Ֆրանսիայի հայկական կազմակերպությունների համակարգող խորհուրդը՝ մեկնաբանելով Եվրոպական դատարանի որոշումը հայոց ցեղասպանությունը ժխտող թուրք գործիչ Դողու Փերինչեքի օգտին: Այդ մասին գրում է «Nouvelles d`Arménie»-ն:

Ֆրանսիայի հայկական հիմնադրամը հատկացրել է բարդ իրավիճակում հայտնված սիրիահայերին տրամադրվելիք 50 հազար եվրո օգնության  առաջին մասը, գրում է «Nouvelles d'Arménie»-ն:

Մարդու իրավունքների եվրոպական դատարանի որոշումը Դողու Փերինչեքի գործի առթիվ ճանապարհ կբացի Հայոց ցեղասպանության ժխտման համար, ինչն անընդունելի է: Այդ մասին NEWS.am-ի թղթակցի հետ զրույցում հայտնել է Ֆրանսիայի հայկական կազմակերպությունների համակարգող խորհրդի նախագահ Արա Թորանյանը:

Ֆրանսիական Վալ-դ’Ուազ դեպարտամենտի Գոնես քաղաքում տեղի է ունեցել 20-րդ դարի ցեղասպանությունների զոհերի՝ հայերի, ասորի-խալդիների, հրեաների եւ այլոց հիշատակին նվիրված հուշահամալիրի բացման արարողությունը: Այդ մասին հաղորդում է Գոնեսի քաղաքապետարանի կայքը:

Ֆրանսիայի նախագահ Ֆրանսուա Օլանդի հետ հանդիպմանը Ֆրանսիայի հայկական կազմակերպությունների համակարգող խորհրդի ներկայացուցիչները պահանջել են, որ Թուրքիան չընդգրկվի Եվրամիության կազմում: Այդ մասին NEWS.am-ի թղթակցի հետ զրույցում հայտնել է Ֆրանսիայի հայկական կազմակերպությունների համակարգող խորհրդի նախագահ Արա Թորանյանը:

Հայկական արմատներով ֆրանսիական երաժիշտ Եսայի Ալթունյանը Հայաստանում արդեն եղել է:

Աշխարհահռչակ շանսոնյե Շառլ Ազնավուրը վերջին անգամ համերգով հանդես կգա 2014թ. հունիսի 1-ին Լոնդոնի Ալբերտ-հոլլում, գրում է «French Radio London»-ը։  2013թ. հոկտեմբերին Թագավորական Ալբերտ-հոլլում անշլագով հանդես գալուց հետո Ազնավուրը կվերադառնա հրաժեշտի համերգով, որն էլ կնշանավորի նրա 90-ամյակը։