Երիտթուրքերի արյունոտ պարագլուխներից, Հայոց ցեղասպանության կազմակերպիչներից եւ Օսմանյան Թուրքիան կործանման տարած Էնվեր փաշայի թոռ Օսման Մայթեփեքը հայտարարել է, թե իրականությանը չի համապատասխանում այն տվյալները, թե Սարիղամիշում 90 հազար թուրք զինվորներ են սպանվել կամ ցրտից մահացել։
Թուրքիայում հասարակության մեծ շրջանակների կողմից դավաճան եւ երկիրը կործանածի համբավ ունեցող Էնվեր փաշայի թոռը երես է ունեցել հայտարարություն անելու, այն էլ բավականին զավեշտալի հիմնավորումներով պաշտպանելով իր ցեղասպան պապին։
Բավական չէ, որ Էնվերի թոռը հայտարարել է, թե այդ 90 հազար թիվը մի քանի անգամ ուռճացված է, նա հայտարարել է, թե իր պապն այդ ճակատամարտում ճիշտ է եղել, ավելին, այդ ճակատամարտը եղել է հայրենիքի պաշտպանության համար եւ անխուսափելի։
Նշենք, որ 1914-ի դեկտեմբերի 20-ին թուրքական զորքերը Հայոց ցեղասպանության կազմակերպիչներից Էնվեր փաշայի գլխավորությամբ հարձակում են սկսել ռուսական զորքերի դեմ Սարիղամիշի ուղղությամբ։ Այսինքն, հարձակվողը թուրքերեն են եղել եւ հայրենքի պաշտպանության խնդիր չի եղել։
Էնվեր փաշան Օսմանյան պետության հարավային տաք նահանգներից մեծ թվով զինվորականներ էր բերել Սարիղամիշի ճակատամարտին, սակայն նրանց մեծ մասը առանց մարտին մասնակցելու Սարիղամիշի սառնամանիքների զոհն են դարձել։
Գրեթե բոլոր լուրջ պատմաբաններն ու ուսումանսիրողները նշում են մինչեւ 90 հազար սպանվածի մասին։
Ճակամատարտից հետո ռուս զինվորականներից մեկը նկարահանում է իրականացրել, որը ռուսական արխիվից տարիներ անց հանվել եւ այժմ հասանելի է դարձել համացանցում։