Եթե մետասանաերորդ պահուն կացություն փոխող որեւէ հիմնական միջամտություն չըլլա, ապա Ֆրանսայի Ազգային ժողովին քննարկման եւ քվեարկումի կդրվի պաշտոնական Փարիզի կողմե ճանչցված ցեղասպանություններու ժխտումի քրեականացման օրինագիծը: Անգարան խուճապի մատնված ըլլալու երեւույթներ կդրսեւորե: Ի հարկե պարագայական հակազդեցություններ չեն ցուցաբերված դրսեւորումները: Թրքական զանգվածային լրատուամիջոցներու թողարկած լրատվություններու տեսակն ու բովանդակությունը որոշ չափով կնախանշեն թրքական հակազդեցության ընդհանուր ուղղությունները:
Այսպես.երեքշաբթի առավոտ թրքական զանգվածային որոշ լրատուամիջոցներ շրջանառության մեջ դրած էին լրատվություն, ըստ որուն Ֆրանսայի Ազգային ժողովը ընդունած է Հայոց ցեղասպանության ժխտումը քրեականացնող օրինագիծը: Ինչպես կհայտներ ,թըրքիշ Էն Վայեը, օրինագիծը ընդունված էր 106 կողմ եւ 19 դեմ ձայներու հարաբերակցությամբ:
Եթե այնպես պատահած ըլլար, որ թրքական լրատուամիջոցը պարզապես հայտներ լուրը, թե Հայոց ցեղասպանության ժխտումը քրեականացնող օրինագիծը ընդունված է Ֆրանսայի Ազգային ժողովին կողմե, կարելի կըլլա՛ր մեկնաբանել, թե բոլորվին չի բացառվիր թյուրիմացությունը, շփոթը կամ թյուր ըմբռնումը հարցին:Շփոթը այս պարագային կրնար վերաբերիլ հարցին օրակարգին ներառումին կամ կառավարության համաձայնության տալուն: Թեեւ անտեղյակությունը այս պարագային եւս կրկնակի կըլլա՛ր, քանի որ քննարկման ներկայացվելիք օրինագիծին մեջ չի հիշվիր Հայոց ցեղասպանությունը, այլ` Ֆրանսայի կողմե պաշտոնական ճանաչում ունեցող ցեղասպանությունները:
Այս վարկածին հավանականությունը բացառված է, որովհետեւ լրատվության կհետեւի քվեարկության պատկեր: 106 կողմ եւ 19 դեմ քվեներու հարաբերակցության արձանագրությունը թրքական լրատվության մեջ, կմատնե ապատեղակատվության միտումը: Այստեղ եւս ճշդումի կարգով մամուլին մեջ նշվեցավ, որ քվեներու թիվի այս պատկերը որ այժմ կօգտագործվե՛ր, 2006ի քվեարկության ընթացքին արձանագրված պատկերն էր:
Ասոր զուգահեռ, Հապեր Թյուրքը կհայտներ, որ Փարիզի ,լը Կրան Հոթելե պանդոկը մերժած է տեղ տրամադրել թուրք գործարարներու պատվիրակության, որ մտադիր էր խորհրդաժողով կազմակերպել` քննարկելով Հայոց ցեղասպանության ժխտումը քրեականացնող օրինագիծը:
Շարունակենք քարոզչական այս ուղեգիծի մեջ դրսեւորված տարբերակներուն ներկայացումը:Երեկվան լրատվություններուն մեջ կերեւա՛ր ,սի Էն Էն թյուրքեի բացահայտումները, որոնց համաձայն Ֆրանսայի նախագահ Նիկոլա Սարքոզին մերժած է Թուրքիո նախագահ Ապտյուլլա Կյուլին հետ հեռաձայնային խոսակցություն ունենալ: Կյուլը ուզած է անձամբ խոսիլ Ֆրանսայի նախագահին հետ` ներկայացնելու համար իր դիրքորոշումը Հայոց ցեղասպանության ժխտումը քրեականացնող օրինագիծի վերաբերհալ:
Այստեղ ավելի լուրջ է պատգամը, որովհետեւ լրատուամիջոցը վկայակոչած է նախագահ Կյուլի աշխատակազմը, ըստ որուն Էլիզյան պալատը իրազեկված էր, որ Կյուլը կուզե՛ անձամբ խոսիլ Սարքոզիի հետ, սակայն, չէ ընդառաջված: Որուն դիմաց, Թուրքիո նախագահին պաշտոնական կայքեջին վրա հայտնված է կոչ` արգելակելու օրինագիծի ընդունումը: Նախագահ Կյուլ հայտարարած է , թե Թուրքիան կհուսա ,որ Ֆրանսան չի զոհաբերեր Անգարայի ու Փարիզի բազմամյայ բարեկամությունը, ,մանր քաղաքական հաշվարկներու համարե:
Օրինագիծի ընդունման պարագային, ըստ թրքական հրապարակումներուն, Անգարա կդիմե հակազդեցության հետեւյալ քայլերուն.-
1. Հետ կանչել Ֆրանսիայի իր դեսպանը. նաեւ պահանջել հետ կանչել Անգարայի մեջ գործող Ֆրանսայի դեսպանը: Այստեղ կար լրացուցիչ տեղեկություն, որ Փարիզի թուրք դեսպանը արդեն ապահոված է Փարիզ-անգարա օդանավի իր տոմսը եւ սպասման վիճակի մեջ :
2.Փարիզեն հետ կկանչվին թուրք զինվորական կցորդները, չեղյալ կհայտարարվին նաեւ Անգարայի մեջ ֆրանսացի զինվորական կցորդներու հավատարմագրերը:
3. թուրքիո եւ Ֆրանսայի միջեւ կդադրեցվին հետախուզական տեղեկութհուններու փոխանակումը:
4. թուրքիո օդային տարածքը ամբողջովին փակ պիտի մնա ֆրանսական ռազմաօդային ուժերու համար:
5. Պիտի արգիլվի ֆրանսական ռազմածովային ուժերու նավերու մուտքը Թուրքիո ջրային տարածք:
6. թուրքիան միջազգային կազմակերպութհուններուն մեջ հետ այսու պիտի չպաշտպանե Ֆրանսայի քաղաքականությունը:
7. Թուրքիան կդադրեցնե Ֆրանսայի հետ համագործակցությունը գիտության, արհեստագիտության եւ մշակույթի ոլորտներուն մեջ:
Թրքական ապատեղեկատվություն, սպառնալիքներ, ցույցեր եւ թուրք դիվանագետներու համար ապահովված օդանավի միակողմանի տոմսեր քարոզչքաղաքաղական ընդհանուր քաղաքականության տարբեր օղակներն են, որոնք ճնշամիջոցի զարգացման համար օգտագործելի խաղաթուղթեր են պարզապես: Եթե ոչ այս տարողությամբ, ապա միեւնույն թափով սպառնալիքներու ականջալուր եղան իրադարձություններուն հետեւողները, երբ Ֆրանսա պաշտոնապես ճանչցավ Հայոց ցեղասպանությունը եւ ժամանակավոր Անգարա ուղարկել տվավ Փարիզի մեջ գործող օրվան թուրք դեսպանը: Այս հանգրվանին եւս, եթե մետասաներորդ պահուն որոշման կեդրոններե միջատմություն չկատարվի միակողմանի տոմսը շատ հավանաբար կօգտագործվի՛:
Շահան Գանտահարյան, «Ազդակ»ի գլխավոր խմբագիր