Լոս Անջելեսի Վուլլենդ-Հիլլզ ու Տարզանա շրջանների բիզնես-շրջանակներում լավ հայտնի Վարանդ Մաջարյանն առաջադրվում է լոսանջելեսյան Էնսինո շրջանի մունիցիպալ խորհրդում: Քվեարկությունը տեղի է ունենալու մարտի 16-ին-ին, գրում է «Asbarez» պարբերականը:

Ի պատասխան ադրբեջանական քարոզչամեքենայի կողմից այս օրերին Խոջալուի դեպքերի առնչությամբ սանձազերծված քարոզչական արշավի՝ ԱՄՆ-ում ՀՀ դեսպանությունը, ի թիվս այլ քայլերի, տարածել է նաեւ հայտարարություն, որը լայնորեն տարածվել է ամերիկյան առաջատար լրատվական գործակալությունների կողմից:

Հայ ռեժիսոր Արա Արուշի «Որսորդ» կարճամետրաժ ֆիլմը լավագույնն է ճանաչվել Մանհեթենի միջազգային կինոփառատոնի «Լավագույն ֆիլմ» անվանակարգում, ասվում է ժապավենի` Facebook սոցիալական ցանցի էջում։

Ամերիկյան Մերիլենդ նահանգի Բեթեսդա քաղաքում 83 տարեկան հասակում վախճանվել է ԱՄՆ-ի առողջապահության ազգային ինստիտուտների վարակաբան, բժշկական գիտությունների դոկտոր Ալբերտ  Քափիքյանը: Այդ մասին գրում է «Asbarez»-ը: Բժիշկ Քափիքյանը հայտնաբերել էր նորովիրուսը եւ մեծ աշխատանք էր տարել, որի արդյունքում ի հայտ էր եկել առաջին արտոնագրված ռոտավիրուս  բացիլը: 45 տարի նա գլխավորում էր ԱՄՆ-ի առողջապահության ազգային ինստիտուտների ալերգիայի եւ ինֆեկցիոն հիվանդությունների ազգային ինստիտուտի ինֆեկցիոն հիվանդությունների ...

Փետրվարի 27-ին Նյու Յորքի ՀԲԸՄ-ի կենտրոնատեղիում ՄԱԿ-ում Հայաստանի մշտական ներկայացուցչության հովանու ներքո կայացավ Աննա Աստվածատուրյան-Թըրքոթթի գրքի շնորհանդեսը:

ԵԱՀԿ Մինսկի խմբի ամերիկացի համանախագահ Ջեյմս  ՈՒորլիքը նույնպես հիշում է Սումգայիթի դեպքերը:

Ամերիկյան Հարավային Դակոտա նահանգի Ներկայացուցիչների պալատը  մերժել է հակահայկական բանաձեւի նախագիծը, որի ետեւում կանգնած էր Ադրբեջանը: Այդ մասին NEWS.am-ին հաղորդել են Ամերիկայի Հայ դատի գրասենյակի(Արեւմտյան շրջան) մամուլի ծառայությունից:

Սենատոր Ջոն Մակքեյնը վառ օրինակ է, թե ինչպես են Միացյալ Նահանգների պաշտոնյաները շատ հաճախ սխալ գնահատում արտաքին ճգնաժամերը, համարելով, որ որևէ երկրում ժողովրդավարություն հաստատելու լավագույն միջոցը ԱՄՆ-ի կողմից զանգվածային ռմբակոծությունն ու ներխուժումն է:

Փետրվարի 23-ին Վաշինգտոնի Հայ Առաքելական Սուրբ Մարիամ Աստվածածին եկեղեցում ԱՄՆ արևելյան ափի առաջնորդ Խաժակ արքեպիսկոպոս Պարսամյանի գլխավորությամբ մատուցվեց պատարագ և տեղի ունեցավ միջոցառում՝ նվիրված սումգայիթյան ջարդերի 26-րդ տարելիցին: Միջոցառմանը ներկա էին ԱՄՆ-ում ՀՀ դեսպան Թաթուլ Մարգարյանը, ԼՂՀ ներկայացուցչության աշխատակիցներ, ինչպես նաև ամերիկահայ համայնքի հարյուրավոր անդամներ:

Ամերիկյան Քալիֆորնիա նահանգի օրենսդիր ժողովի անդամներ Ադրին Նազարյանն ու Քաչո Աչաջյանը նոր օրինագիծ են առաջարկվել Քալիֆորնիայի դպրոցներում Հայոց ցեղասպանության թեմայի ուսուցման վերաբերյալ: Այդ մասին գրում է «Asbarez»-ը:

Լոս-Անջելեսում Ադրբեջանի հյուպատոսության գլխավոր շինության առաջ հայ համայնքի անդամները բողոքի ցույց են անցկացրել, որպեսզի դատապարտեն 1988թ.-ի սումգայիթյան ջարդերն ու 2004թ.-ի ադրբեջանցի զինվորական Ռամիլ Սաֆարովի կողմից հայ լեյտենանտ Գուրգեն Մարգարյանի սպանությունը: Այդ մասին գրում է «Asbarez»-ը:

Մարտի 14-20-ը Նյու Յորքում անցկացվելու է ոչ առևտրային կինոյի Rated SR Socially Relevant Film Festival փառատոնը, որտեղ ներկայացվելու է  հայկական արտադրության կամ հայկական թեմատիկայով վեց ֆիլմ: Փառատոնը հիմնադրել է հայկական արմատներով ֆրանսիական ճանաչված դերասանուհի Նորա Արմանին:

ԱՄՆ-ի կոնգրեսականներ Ադամ Շիֆը, Ֆրանկ Պալոնեն եւ Դեյվիդ Սիսիլինը միացել են համայն հայությանը՝ դատապարտելով հայ սպա Գուրգեն Մարգարյանին սպանած Ռամիլ Սաֆարովին Ադրբեջանի իշխանությունների կողմից ներում շնորհելը, հայտնում է Ամերիկայի հայ դատի գրասենյակը:

Կոնգրեսական Ադամ Շիֆը՝ «Հայոց ցեղասպանության մասին ճշմարտության եւ արդարության ակտ» բանաձեւի համահեղինակը, մարտի 3-ին Կոպիտոլիումի բլրին միջոցառում կանցկացնի՝ նվիրված Հայոց ցեղասպանության ընթացքում ԱՄՆ-ի օգնությանը, հայտնում է Asbarez-ը:

ԱՄՆ-ի Ներկայացուցիչների պալատում Քալիֆորնիա նահանգից ընտրված դեմոկրատական կուսակցության կոնգրեսական, «Հայոց ցեղասպանություն. Ճշմարտություն եւ արդարություն» (H. Res. 227) բանաձեւի հիմնական հեղինակ Ադամ Շիֆը այս տարվա մարտի 3-ին Կապիտոլյան բլուրում անցկացնելու է միջոցառում, որը նվիրված կլինի Միացյալ Նահանգների կողմից Հայոց ցեղասպանության զոհերին օգնություն տրամադրելուն ուղղված արշավին, որը նպաստել էր ԱՄՆ-ի կողմից արդեն գրեթե հարյուր տարվա ընթացքում ամբողջ աշխարհում մարդասիրական օգնության տրամադրման ...

Հայազգի ռեժիսոր Արա Առուշի «Որսորդ» կարճամետրաժ ֆիլմը կներկայացվի  Մանհեթնի Միջազգային կինոփառատոնի ժամանակ, որն անցկացվելու է փետրվարի 28–ից մարտի 2–ը, երեքշաբթի հաղորդել է ֆիլմի ռեժիսորը ԵՊՀ–ում ֆիլմի ցուցադրությունից առաջ։

Գիտնականները, ովքեր զբաղվում են ցեղասպանությունների հարցերով, բաց նամակ են հղել Շվեյցարիայի արդարադատության նախարար Սիմոնետ Սոմարուգային՝ Դողու Փերինչեքի գործի առթիվ:Իրենց նամակում գիտնականները նշում էն Մարդու իրավունքների եվրոպական դատարանի որոշման պատմական ու հայեցակարգային թերությունների մասին:

Լոռի-Բերդի հայկական խաչքարը Նյու Յորքի «Metropolitan» արվեստների թանգարանում ցուցադրվելու է մինչեւ 2017թ: Պատմամշակութային հուշարձանի ժամանակավոր դուրսբերման ժամկետը երկարաձգվել է կառավարության այսօրվա նիստի ժամանակ:

Նյու-Յորքի համերգային հայտնի սրահ Քարնեգի-հոլում փետրվարի 28-ին տեղի կունենա ամենամյա «Երաժշտական Հայաստան» ամենամյա համերգը:

Քալիֆորնիական Գլենդել քաղաքի դպրոցների ղեկավարները շարունակում են քննարկել ծրագիրը կապված մինչեւ անգամ 12-րդ դասարան երկլեզու դասընթացների անցկացման նպատակի հետ: Այս շաբաթ նրանք հայտարարել են, թե որ դպրոցներին կառաջարկեն օտար լեզուների դասընթացներ: Այդ մասին գրում է «Glendale News-Press»-ը: